АҠТУҒАНОВ Мәхмүт Сафа улы
АҠТУҒАНОВ Мәхмүт Сафа улы [25.12.1924, БАССР‑ҙың Бөрө кантоны (БР‑ҙың Мишкә районы) Яңы Сәфәр а. — 24.1.1971, Ленинград ҡ.], Советтар Союзы Геройы (1943). Майор (1969). Б.В. һуғышында ҡатнашыусы. Хәрби пехота училищеһын тамамлаған (Боровичи ҡ., 1956). 1942 й. алып Совет армияһында. 1943 й. сентябренән Брянск, Үҙәк, Белоруссия һәм 1‑се Белоруссия фронттарында хеҙмәт итә. Герой исеменә 61‑се армия 77‑се гвардия уҡсылар дивизияһы 221‑се гвардия уҡсылар полкының танкыға ҡаршы ҡорал тоҫҡаусы гвардия кесе сержанты А. 1943 й. 28 сентябрендә Белорус ССР‑ы Комарин а. төньяҡтараҡ Днепр й. аша сыҡҡанда һәм уң ярҙағы плацдармды киңәйткәндә күрһәткән батырлығы өсөн лайыҡ була. 1969 й. отставкала. Ленин ордены менән бүләкләнгән (1943). А. исеме Мишкә районы Мишкә а. урамға бирелгән, шулай уҡ Мемориаль комплекстың гранит стенаһында уға барельеф, Яңы Сафар а. иҫтәлекле таҡта ҡуйылған.
Әҙәб.: А р г ы н б а е в И. Он стоял насмерть //Славные сыны Башкирии. Кн.2. Уфа, 1966.
И.Ғ.Кәримова
Тәрж. Д.К.Үзбәков