РАМАҘАНОВ Камил Нурулла улы

РАМАҘАНОВ Камил Нурулла улы (18.5.1981, Чарджоу ҡ.), инженер‑технолог. Техник фәндәр докторы (2016). ӨДАТУ‑ны тамамлағандан һуң (2004) шунда уҡ эшләй: уҡытыусы; 2017 й. алып Авиация технологиялары һәм материалдары институты директоры; 2020 й. башлап инновацион эшмәкәрлек буйынса проректор, 2021 й. — машиналар эшләү технологиялары кафедраһы мөдире. 2021 й. майынан БР ФА президенты. Фәнни эшмәкәрлеге машина деталдәренең һәм газ турбиналы двигателдәрҙең эксплуатацион үҙенсәлектәрен арттырыу маҡсатында вакуумлы ионлы‑плазмалы технологияларҙы тикшереүгә һәм уйлап табыуға арналған. Юғары аттестация комиссияһының эксперт советы ағзаһы (2022 й. алып). Ю.Е.Крейндель исемендәге премия лауреаты (2014).

Хеҙм.: Ионное азотирование сталей в тлеющем разряде низкого давления. Москва, 2016 (авторҙ.); Структура и свойства ультрамелкозернистых сталей с ионно-плазменными покрытиями. Москва, 2017 (авторҙ.); Анализ реализуемости проектов по созданию информационно-управляющих систем. Москва, 2018 (авторҙ.).

Тәрж. Г.У.Кәбирова