БАБИКОВ Антон Игоревич

БАБИКОВ Антон Игоревич (2.8.1991, Өфө ҡ.), спортсы. Биатлон буйынса Рәсәйҙең халыҡ‑ара класлы спорт мастеры (2015), Рәсәйҙең атҡаҙанған спорт мастеры (2017). Биатлон буйынса олимпия резервы спорт мәктәбе тәрбиәләнеүсеһе (Өфө ҡ.; тренерҙары В.И.Мишингин, В.А.Никитин). Биатлон буйынса эстафетала донъя чемпионы (2017), бер‑бер артлы уҙышта Донъя кубоктары этаптары еңеүсеһе (2016), шәхси уҙышта һәм яңғыҙ ҡатнаш эстафетала еңеүсе (икеһе лә — 2022), эстафетала (2015), бер‑бер артлы уҙышта (2016) һәм яңғыҙ ҡатнаш эстафетала (2016, 2022) Европа чемпионы, эстафетала (2013), шәхси уҙышта (2014), спринтта (2016), бер‑бер артлы уҙышта (2018), суперпасьютта (2020) һәм эстафетала (2021) Рәсәй чемпионы, Европа чемпионаттарының спринтта көмөш (2022), бер‑бер артлы уҙышта (2014—15) һәм спринтта (2016) бронза призёры. Йәйге биатлон буйынса ир‑егеттәр араһында Рәсәй чемпионы (2013—15, 2018, 2021); үҫмер спортсылар араһында донъя (2012) һәм Европа (2010) чемпионы. Олимпия уйындарында ҡатнашыусы (2018). Рәсәй йыйылма командаһы ағзаһы (2013 й. алып).