ЛАТИПОВ Эдуард Ратмил улы

ЛАТИПОВ Эдуард Ратмил улы (21.3.1994, Гродно ҡ.), спортсы. Биатлон буйынса Рәсәйҙең халыҡ‑ара класлы спорт мастеры (2016), Рәсәйҙең атҡаҙанған спорт мастеры (2022). Биатлон буйынса олимпия резервы спорт мәктәбе тәрбиәләнеүсеһе (Өфө ҡ.; тренерҙары В.И.Мишингин, В.А.Никитин). Биатлон буйынса бер-бер артлы уҙышта, ир‑егеттәр араһында һәм ҡатнаш эстафетала Олимпия уйындарының бронза призёры (2022); Бөтә донъя универсиадаһында спринт буйынса чемпион, шәхси уҙышта көмөш призёр һәм бер‑бер артлы уҙышта бронза призёр (2019), патрулдәр уҙышында Бөтә донъя хәрби уйындар (2017), ир‑егеттәр эстафетаһында (2021) һәм масс‑стартта (2022) Рәсәй чемпионаттарының еңеүсеһе, ҡатнаш эстафетала Европа чемпионатының көмөш призёры (2020), ир‑егеттәр эстафетаһында донъя чемпионатының бронза призёры (2021). Йәйге биатлон буйынса Рәсәй чемпионы (2016, 2018), донъя чемпионатының көмөш һәм 2 тапҡыр бронза призёры (2019). Биатлон буйынса үҫмерҙәр араһында донъя (2 тапҡыр, 2015) һәм Европа (2015) чемпионы, Европа чемпионаттарының көмөш призёры (2014—15), донъя чемпионатының бронза призёры (2 тапҡыр, 2014). Рәсәй йыйылма командаһы ағзаһы (2015 й. алып). 2‑се дәрәжә “Ватан алдында күрһәткән хеҙмәттәре өсөн” орденының миҙалы (2022), Салауат Юлаев ордены (2022) менән бүләкләнгән.

Тәрж. Г.У.Кәбирова