“АҒИҘЕЛ”, шайбалы хоккей буйынса ҡатын‑ҡыҙҙар командаһы
“АҒИҘЕЛ”, шайбалы хоккей буйынса ҡатын‑ҡыҙҙар командаһы. 2010 й. Өфө ҡ. “Рәсәйҙә ҡатын‑ҡыҙҙар хоккейын үҫтереү” программаһына ярашлы ойошторола. “Салауат Юлаев” хоккей клубы структураһына инә, Ҡатын‑ҡыҙҙар хоккей лигаһында ҡатнаша, Өфө спорт һарайында шөғөлләнә. “А.” – Ҡатын‑ҡыҙҙар хокей лигаһы чемпионаттарының еңеүсеһе (2018–19, 2021) һәм көмөш призёры (2016–17, 2020), Рәсәй чемпионаттарының бронза призёры (2012–15). Команданың төп уйынсылары Олимпия уйындарында, донья чемпионаттарында һәм Бөтә донъя универсиадаһында ҡатнашыу өсөн даими рәүештә Рәсәй милли, йәштәр һәм студенттар йыйылма командалары составына йәлеп ителә. Команда менән Д.А.Афиногенов, С.Н.Трудаков һ.б. эшмәкәрлеге бәйле.
Тәрж. Г.У.Кәбирова