Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

АБЫҘБАЕВ Ибраһим Хафиз улы

Просмотров: 917

АБЫҘБАЕВ Ибраһим Хафиз улы [10.10.1901, Ырымбур губ. Үрге Урал өйәҙе Сермән а. (БР‑ҙың Белорет р‑ны) — 8.12.1937, Өфө], совет партия‑дәүләт эшмәкәре. Сермән 2 класлы урыҫ‑башҡ. уч‑щеһын, Көнсығыш хеҙмәтсәндәре коммунистик ун‑тын (Мәскәү, 1925) тамамлаған; Ҡыҙыл профессура тарих‑партия ин‑тында уҡый (1935—37). 1917—18 йй. Сермән улусы хакимиәте секретары ярҙамсыһы, 1918—20 йй. — Ҡыҙыл Армияла, 1925—26 йй. — Ҡазан хәрби‑сәйәси уч‑щеһы уҡытыусыһы. 1926 й. алып ВКП(б)‑ның Тамъян‑Ҡатай һәм Йылайыр кантон ком‑ттарында эшләй, 1928 й. — Өфөлә В.И.Ленин ис. респ. башҡорт мәктәбе дир., 1930 й. — ВКП(б)‑ның Арғаяш кантон ком‑тында яуаплы секретарь, 1931—35 йй. ВКП(б)‑ның Башҡ. өлкә ком‑тында бүлек мөдире. 1937 й. июненән БАССР мәғарифы халыҡ комиссары. Репрессиялана (1937), атыла. 1956 й. аҡлана.

Ш.М.Абыҙбаева

Тәрж. Т.С.Дәүләтбирҙина

Дата публикации: 10.10.2019
Дата последнего обновления публикации: 17.10.2019