АЗАМАТОВ Дамир Мостафа улы

АЗАМАТОВ Дамир Мостафа улы (5.5.1940, БАССР‑ҙың Саҡмағош районы Саҡмағош а. — 27.11.2020, Өфө ҡ.), философ. Философия фәндәре докторы (1986), профессор (1987). БР‑ҙың атҡаҙанған фән эшмәкәре (1992), РФ юғары мәктәбенең атҡаҙанған хеҙмәткәре (2003). М.М.Азаматовтың ағаһы. БДУ‑ны тамамлағандан һуң (1963) комсомол эшендә. 1970 й. алып БДУ‑ла уҡыта, 1976 й. — Бөрө педагогия институтының философия кафедраһы мөдире. 1978 й. башлап БДМУ‑ла эшләй: 1983—2018 йй. философия кафедраһы мөдире, бер үк ваҡытта 1992 й. алып стоматология факультетында тәрбиә эштәре буйынса декан урынбаҫары. Фәнни тикшеренеүҙәре Башҡортостанда ижтимағи‑сәйәси, мәғрифәтселек һәм философик фекер тарихына, медицина һәм һаулыҡ һаҡлауҙың социаль‑философик проблемаларына арналған.

  Х е ҙ м.: Из истории развития общественно‑политической и философской мысли Башкирии конца XIX — начала XX в. Пермь, 1979; Социальная детерминированность внутриличностного конфликта (социально‑философский анализ). Уфа, 2009 (авторҙ.); Здоровье молодёжи как общественная ценность в современном российском обществе. Уфа, 2010 (авторҙ.).

Д.Ә.Нуриев

Тәрж. Т.С.Дәүләтбирҙина