АҠСУРИН Басир Ғәйфулла улы

АҠСУРИН Басир Ғәйфулла улы (10.6.1945, БАССР‑ҙың Фёдоровка районы Батыр а.), философ. Социология фәндәре кандидаты (1996), философия фәндәре докторы (2004), профессор (2006). П.Ф.Лесгафт исемендәге Ленинград физик культура институтын тамамлағандан һуң (1975) ӨАИ‑ла, 1980 й. алып ӨДСИ‑лә, 1986 й. — БДМУ‑ла, бер үк ваҡытта 1992—94 йй. Өфө механика-технология колледжында эшләй. 1997 й. башлап БДУ‑ла уҡыта. Фәнни тикшеренеүҙәре валеология, сәләмәтлек социологияһы, йәмғиәттең рухи тормошо проблемаларына арналған.

  Х е ҙ м.: Социальные условия и факторы формирования валеологической культуры. Уфа, 2006; Духовная и телесная организация человека. Уфа, 2007; Диалектика духовного и телесного: трансцендентальный и социокультурный аспекты. Уфа, 2014.

Ф.С.Фәйзуллин

Тәрж. Ә.Н.Аҡбутина