АНИЩЕНКО Валерий Алексеевич
АНИЩЕНКО Валерий Алексеевич (24.10.1946, Александрия ҡ.), педагог. Педагогия фәндәре докторы (2007), профессор (2009). РФ Яғыулыҡ һәм энергетика министрлығының атҡаҙанған хеҙмәткәре (1998), БР‑ҙың атҡаҙанған уҡытыусыһы (2006), РФ күмер сәнәғәтенең почётлы хеҙмәткәре (1995). Мәскәү тау институтын тамамлаған (1971). 1973 й. алып (өҙөклөк менән) Күмертау тау колледжында эшләй: бүлек мөдире, 1976 й. алып уҡыу-уҡытыу эштәре буйынса директор урынбаҫары, 1990 й. — директор. 1983 й. алып “Башкируголь” ПБ‑нда: партком секретары, 1988 й. башлап эшселәрҙе тәьмин итеү буйынса директор. 2003 й. алып Ырымбур университетының Күмертау филиалында: директор, 2016 й. башлап административ һәм дөйөм мәсьәләләр буйынса директор урынбаҫары, 2021 й. — стратегик үҫеш идаралығы начальнигы, бер үк ваҡытта 2006—10 йй. дөйөм гуманитар һәм социаль‑иҡтисади дисциплиналар кафедраһы мөдире, 2018 й. алып өҫтәмә профессиональ белем биреү факультеты деканы. Фәнни тикшеренеүҙәре белем биреү системаларын педагогик проектлау, буласаҡ белгестәрҙең профессиональ компетентлығын формалаштырыу проблемаларына арналған.
Хеҙм.: Педагогические условия управления творческой инновационной деятельностью вуза. Оренбург, 2002.
Тәрж. Ә.Н.Аҡбутина