БАЙЫМОВ Әхмәтғази Хаммат улы

БАЙЫМОВ Әхмәтғази Хаммат улы [1876, Ырымбур губ. Орск өйәҙе Байым а. (БР‑ҙың Баймаҡ р‑ны) — 17.11.1964, шунда уҡ], дин әһеле. Байым ишандың бүләһе. Муллаҡай мәҙрәсәһендә, унан Орск өйәҙенең Темәс а. һәм Орск ҡ. мәҙрәсәләрендә уҡыған. Ғәрәп, фарсы, төрки телдәрен белгән. 1898 й. алып тыуған ауылы мәҙрәсәһендә мөҙәрис, ул ябылғандан һуң, грамота мәктәбендә уҡыта. 1-се Башҡ. ҡоролтайында (ҡара: Бөтә башҡорт ҡоролтайҙары) ҡатнаша. Башҡорт хөкүмәте Темәстә саҡта Ә.Ә.Вәлидов бойороҡтарын үтәй. 1920 й. башында Х.Г.Унасов отрядына коммунист ауылдаштарын атырға юл ҡуймай. 1928 й. ҡулға алына, Өфө төрмәһендә ултыра. 30‑сы йй. колхозда эшләй, бер үк ваҡытта мулла. Бай китапханаһы була. Күрәҙәлек һәләтенә эйә, дауалау, бетеү әҙерләү м‑н шөғөлләнә. Аҡмулла һәм Р.Ф.Фәхретдинов м‑н таныш була, уларҙың реформаторлыҡ идеяларын уртаҡлаша.

Р.Ә.Байымов, Х.Х.Минһажетдинова

Тәрж. Т.С.Дәүләтбирҙина