“БАЙМАКСКИЙ ВЕСТНИК”, гәзит

“БАЙМАКСКИЙ ВЕСТНИК” (“Баймаҡ хәбәрҙәре”), ижт.‑сәйәси гәзит. Ойоштороусыһы — БР‑ҙың Матбуғат һәм киң мәғлүмәт саралары агентлығы. Баймаҡ ҡ. аҙнаһына 3 тапҡыр урыҫ телендә сыға. 1931 й. “Ҡыҙыл Баймаҡ” булараҡ башҡ. телендә нәшер ителә башлай. 1955 й. “Баймакский рабочий” гәз. [“Баймаҡ эшсеһе”; урыҫ телендә нәшер ителә; 1936—37 йй. “За цветные металлы” (“Төҫлө металл өсөн”)] м‑н берләшкәндән һуң — урыҫ һәм башҡ. телдәрендә “Знамя коммунизма” һәм “Коммунизм байрағы”, 1965 й. алып “Октябрьское знамя” һәм “Октябрь байрағы” исемдәре м‑н сыға, 2000 й. башлап хәҙ. исемен йөрөтә. 1962—64 йй. нәшер ителмәй.