“БАШКИРСКАЯ НЕФТЬ” (“Башҡортостан нефте”), бюллетень

“БАШКИРСКАЯ НЕФТЬ” (“Башҡортостан нефте”), бюллетень. Башҡортостан республикаһы нефть һәм газ сәнәғәте фәнни-техник йәмғиәте органы. Өфө ҡ. урыҫ телендә айына 1 тапҡыр сыға. 1936 й. алып “За башкирскую нефть” исеме аҫтында баҫыла, 1945—59 йй. — “Б.н.”. Бюллетень биттәрендә республика һәм ил сәнәғәте нефть һәм газ тармаҡтарының көнүҙәк проблемалары яҡтыртыла, нефть сығарыу һәм эшкәртеү, скважиналар быраулау һәм файҙаланыу технологияларына, инновациялы ысулдар һәм технологиялар индереүгә арналған мәҡәләләр һ.б. донъя күрә.

Тәрж. Ә.Н.Аҡбутина