АБДУЛЛИН Рәүеф Әхәт улы

АБДУЛЛИН Рәүеф Әхәт улы (21.5.1935, БАССР‑ҙың Ейәнсура р‑ны Башҡорт Үргене а.), нефтсе, йәмәғәт эшмәкәре. Техник ф. канд. (1971). РФ‑тың почётлы нефтсеһе (1995). ӨНИ‑не тамамлағандан һуң (1957) нефть һәм газ сәнәғәте пр‑тиеларында эшләй. 1985—2015 йй. И.М.Губкин ис. Рәсәй нефть һәм газ ун‑тындағы (Мәскәү) нефть һәм газ сығарыу сәнәғәтендә сит илдәр тәжрибәһен өйрәнеү һәм дөйөмләштереү б‑са ғилми‑тикшеренеү лаб. мөдире, ғилми етәксеһе. Фәнни эшмәкәрлеге көкөртлө водороды булған газ ятҡылыҡтарын, нефть ятҡылыҡтарын үҙләштереү, нефть һәм газ скважиналарын төҙөгәндә тирә‑яҡ мөхитте һаҡлау һ.б. м‑н бәйле. 80‑дән ашыу фәнни хеҙмәт һәм 4 уйлап табыу авторы. “Башҡортостан” Мәскәү йәмғиәте советы рәйесе (1991—2002), Бөтә донъя башҡорттары ҡоролтайы (конгресы) башҡарма ком‑тының бюро ағзаһы (1995—2002).

Л.Ғ.Шәмиғолова

Тәрж. Т.С.Дәүләтбирҙина