БОРХАНОВА Флүрә Булат ҡыҙы
БОРХАНОВА Флүрә Булат ҡыҙы (10.1.1956, Нахичевань ҡ.), социолог. Социология фәндәре докторы (2006), профессор (2010). БДУ‑ны тамамлағандан һуң (1978) Әбйәлил районының Асҡар урта мәктәбе уҡытыусыһы. 1980 й. алып ТТӘИ‑лә, 1984 й. — БДПИ‑ла (1986 й. башлап өлкән ғилми хеҙмәткәр) эшләй. 1988 й. алып БДУ‑ла: 1990 й. тиклем өлкән ғилми хеҙмәткәр, 2006—15 йй. ғәмәли һәм тармаҡ социологияһы кафедраһы мөдире. Фәнни тикшеренеүҙәре ғаилә, гендер социологияһы проблемаларына арналған. Рәсәй социология ассоциацияһының Республика бүлексәһе рәйесе (2006—12). Башҡортостан комсомолы премияһы лауреаты (1986).
Х е ҙ м.: Современный брак в Башкортостане. Уфа, 2004; Гендерный фактор в разводах. Уфа, 2010 (авторҙ.); Патронатная семья в современной России. Уфа, 2016 (авторҙ.).
Тәрж. Ә.Н.Аҡбутина