ФӘЙЗУЛЛИН Рәшит Ғибаҙулла улы

ФӘЙЗУЛЛИН Рәшит Ғибаҙулла улы (1.2.1930, БАССР‑ҙың Стәрлетамаҡ р‑ны Йөрәктау‑Муҡшы а., хәҙ. БР‑ҙың Стәрлетамаҡ р‑ны Йөрәктау а., — 30.12.1984, Нефтекама ҡ.), нефтсе. СССР нефть сәнәғәте отличнигы (1974), СССР‑ҙың почётлы нефтсеһе (1973). 1947 й. алып “Башзападнефтеразведка” тресының (Октябрьский ҡ.) Стәрлетамаҡ геол.-эҙләнеү контораһында эшләй. 1950 й. башлап 9‑сы картировкалап быраулау, 1956 й. — “Башвостокнефтеразведка” тресының Бөрө геол.‑эҙләнеү партиялар быраулаусыһы, 1961 й. — скважиналарҙы һынап ҡарау операторы, 1964 й. — “Арланнефть” НГДУ‑һының (Нефтекама) скважиналарҙы капиталь ремонтлау мастеры. Ф. ҡатнашлығында Арлан нефть ятҡылығы үҙләштерелгән, хеҙмәтте ойоштороуҙың алдынғы ысулдары, скважиналарҙы капиталь ремонтлауҙың яңы техникаһы һәм технологиялары индерелгән. СССР Дәүләт пр. лауреаты (1978). Ленин (1975), “Почёт Билдәһе” (1971) орд. м‑н бүләкләнгән.

Тәрж. Ә.Н.Аҡбутина