ФӘТҠУЛЛИНА Флүзә Ғабдулла ҡыҙы

ФӘТҠУЛЛИНА Флүзә Ғабдулла ҡыҙы (17.1.1958, БАССР‑ҙың Йәрмәкәй районы Һыуыҡҡул а.), тел белгесе. Филология фәндәре докторы (2002), профессор (2011). БР‑ҙың атҡаҙанған мәғариф хеҙмәткәре (2011), РФ‑тың почётлы юғары профессиональ белем биреү хеҙмәткәре (2015). БДУ‑ны тамамлаған (1983), 1984 й. алып шунда уҡ эшләй: 1987 й. тиклем хеҙмәткәр, 1991 й. башлап (өҙөклөктәр менән) уҡытыусы, 2012 й. — урыҫ һәм сағыштырма филология кафедраһы мөдире. Фәнни эшмәкәрлеге киң мәғлүмәт саралары теленең, тел берәмектәренең төрлө кимәлдәге семантикаһын өйрәнеүгә, тел һәм мәҙәниәттең үҙ‑ара бәйләнешенә, лексикографияға, сағыштырма һәм типологик тел ғилеменең лингвофәлсәфәүи проблемаларына арналған. БР‑ҙың фән һәм техника өлкәһендәге Дәүләт премияһы лауреаты (2021).

  Хеҙм.: Лингвокультурология текста. Уфа, 2019; Паремиология без границ. М., 2020 (авторҙ.); Системность и антропоцентричность глагольной лексики (поле деструктивности). Уфа, 2021.

Тәрж. Р.Ә.Сиражитдинов