ФЁДОРОВ Александр Александрович
ФЁДОРОВ Александр Александрович (11.8.1945, Ставрополь ҡ. — 9.7.2022, Өфө ҡ.), әҙәбиәт белгесе. Филология фәндәре докторы (1993), профессор (1994). БР‑ҙың атҡаҙанған фән эшмәкәре (2004), РФ‑тың почётлы юғары профессиональ белем биреү хеҙмәткәре (2003). БДУ‑ны тамамлағандан һуң (1970) СДПИ‑ла уҡыта. 1977—2017 йй. БДУ‑ла: 1981 й. башлап филология факультетында декан урынбаҫары, 2000—13 йй. декан, бер үк ваҡытта 1990—2013 йй. сит ил әҙәбиәте һәм художество мәҙәниәте кафедраһы мөдире. Фәнни эшмәкәрлеге 19 б. аҙағында — 20 б. башында Рәсәй менән Европа араһындағы үҙ‑ара әҙәби һәм мәҙәни бәйләнештәрҙең үҫеше миҫалында культурология һәм сит ил филологияһының сағыштырма‑тарихи һәм теоретик проблемаларына арналған.
Х е ҙ м.: Эстетизм и художественные поиски в английской прозе последней трети XIX в. Уфа, 1993; История мировой художественной культуры от древнего мира до XVII в.: в 2 ч. Уфа, 2002 (авторҙ.); Введение в теорию и историю культуры. М., 2005.
Тәрж. Р.Ә.Сиражитдинов