ФЁДОРОВ Николай Иванович
ФЁДОРОВ Николай Иванович (3.6.1958, Өфө ҡ.), ботаник. Биология фәндәре докторы (2006). БР-ҙың атҡаҙанған фән эшмәкәре (2019). БДУ‑ны тамамлаған (1983), 1975 й. алып (өҙөклөк менән) шунда уҡ эшләй. 1976—79 йй. Башҡортостан территориаль геология идаралығының Көнбайыш Башҡортостан комплекслы геологик экспедицияһында. 1985 й. алып Өфө биология институтында: 1992 й. башлап өлкән ғилми хеҙмәткәр, 2006 й. — лаборатория мөдире. Фәнни тикшеренеүҙәре алкалоидтар нигеҙендә яңы һәм билдәле булған медицина препараттарын етештереү өсөн ресурс базаһын киңәйтеүгә, Көньяҡ Уралдағы үҫемлектәр донъяһының биотөрлөлөгөн һаҡлауға арналған.
Х е ҙ м.: Род Delphinium L. на Южном Урале: экология, популяционная структура и биохимические особенности. Уфа, 2003; Биологические ресурсы Южного Урала: фундаментальные основы рационального использования. Уфа, 2009 (авторҙ.); Методологические основы оптимизации ресурсного использования лекарственной флоры Южного Урала, М., 2013 (авторҙ.).
Тәрж. Г.А.Миһранова