ФРИД Аркадий Исаакович
ФРИД Аркадий Исаакович (21.2.1946, Өфө), инженер‑электромеханик. Техник ф. д‑ры (2000), проф. (2002). БР‑ҙың атҡ. уйлап табыусыһы (2002), СССР‑ҙың уйлап табыусыһы (1985). ӨАИ‑ны тамамлағандан һуң (1968) Өфө “Молния” агрегат КБ‑нда эшләй, 1972 й. алып ӨДАТУ‑ла уҡыта. Фәнни эшмәкәрлеге билдәһеҙлек шарттарында ҡатмарлы динамик системаларға идара итеүгә арналған. Ф. ҡатнашлығында авиация двигателдәренә идара итеүҙең адаптив системаһын төҙөү принциптары, автоматлаштырылған идара итеүҙең цифрлы системалары һ.б. уйлап сығарылған. Асыштары БР‑ҙың, РФ‑тың авиация һәм нефть сәнәғәте пр‑тиеларында индерелгән. 300‑ҙән ашыу фәнни хеҙмәт һәм 78 уйлап табыу авторы.
Х е ҙ м.: Проблемы проектирования и развития систем автоматического управления и контроля ГТД. М., 1999 (авторҙ.); Нейрокомпьютеры в авиации (самолёты). М., 2004 (авторҙ.); Проблемы управления сложными динамическими объектами авиационной и космической техники. М., 2015 (авторҙ.).
Тәрж. Р.Ғ.Ғилманов