ХАТЬЯНОВ Фаддей Исаакович
ХАТЬЯНОВ Фаддей Исаакович (2.4.1932, Ленинград ҡ. — 25.11.2017, Өфө ҡ.), тау инженеры-геофизик. Геология-минералогия фәндәре докторы (1992). Ленинград тау институтын тамамлағандан һуң (1956) “Башнефтегеофизика” ААЙ-нда эшләй: 1956 й. алып һәм 1959 й. — тематик партияларҙың начальнигы, 1957 й. — техник етәксеһе, 2003—04 йй. баш геолог. 2005 й. башлап ӨДНТУ-ла. Фәнни-производство эшмәкәрлеге Волга‑Урал нефтле һәм газлы провинцияһын һәм Көнбайыш Себерҙең Когалым нефть районын өйрәнеүгә; нефть һәм тәбиғи газдар эҙләү-разведкалау эштәрен нигеҙләүгә бәйле. Х. тарафынан разведка геофизикаһының мәғлүмәттәрен структур-формацион яҡтан интерпретациялау тәҡдим ителгән. Борай, Ҡансыра, Раевка һ.б. нефть ятҡылыҡтарын, Бөркөт, Подгорный, Һарытау һ.б.газ ятҡылыҡтарын асыуҙа ҡатнашҡан. И.М.Губкин исемендәге премия лауреаты (1975, 1983).
Хеҙм.: Структурно-формационная интерпретация сейсмических данных. М., 1990 (авторҙ.).
Тәрж. Э.М.Юлбарисов
