Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ХӘМЗИН Адоль Сағман улы

Просмотров: 781

 

ХӘМЗИН Адоль Сағман улы (7.2.1934, Өфө ҡ. — 17.5.2020, Санкт-Петербург ҡ.), балет артисы, педагог. РСФСР‑ҙың атҡаҙанған артисы (1966). Ленинград хореография училищеһын (1953; педагогы А.И.Пушкин), Юғары профессиональ мәҙәниәт мәктәбен (Ленинград ҡ., 1981) тамамлаған. 1953 й. алып Ленинград Бәләкәй опера һәм балет театры солисы, 1974 — 80 йй. Ленинград боҙҙағы балетының художество етәксеһе, бер үк ваҡытта 1963 й. башлап А.Я.Ваганова исемендәге Урыҫ балеты академияһында (Санкт‑Петербург ҡ.) уҡыта. Академик стилдәге классик бейеүсе, дуэт бейеүҙәре оҫтаһы. Төп партиялары: Мензер (“Ете һылыу” — “Семь красавиц”, Ҡ.Ә.Ҡараев; дебют, 1953), Дафнис (“Дафнис менән Хлоя”— “Дафнис и Хлоя”, М.Равель), Зигфрид (“Аҡҡош күле” — “Лебединое озеро”, П.И.Чайковский), Солор (“Баядерка”), Кавалер (“Пахита”; икеһе лә — Л.Ф.Минкус) һ.б. Иң яҡшы партияларының береһе — Олаф (“Сольвейг”, Э.Григ). Донъяның 43 илендә гастролдәрҙә була. Уҡыусылары араһында СССР‑ҙың халыҡ артисы Л.И.Семеняка, РСФСР‑ҙың халыҡ артисы Г.С.Мезенцева, РСФСР‑ҙың атҡаҙанған артисы Т.А.Квасова бар. Бөтә донъя йәштәр һәм студенттар фестивале лауреаты (Бухарест ҡ., 1953).

О.Ғ.Вилданова

Тәрж. Г.Һ.Ризуанова

Дата публикации: 10.10.2019
Дата последнего обновления публикации: 14.04.2023
Связанные темы рубрикатора: