ЮҒАРЫ СПОРТ ОҪТАЛЫҒЫ МӘКТӘБЕ,
ЮҒАРЫ СПОРТ ОҪТАЛЫҒЫ МӘКТӘБЕ, БР дәүләт учреждениеһы, төрлө халыҡ‑ара ярыштарҙа, Олимпия уйындарында, Паралимпияуйындарында һәм Сурдлимпия уйындарында ҡатнашыу өсөн юғары класлы спортсылар, РФ, БР йыйылма командалары һәм милли олимпиада командаһы ағзалары әҙерләү м‑н шөғөлләнә. Өфөлә урынлашҡан. 1946 й. Өфө йәштәр спорт мәктәбе булараҡ асыла, 1960 й. башлап Респ. йәштәр спорт мәктәбе, 1975 й. — Ю.с.о.м. (1994—2000 йй. БР Үҙәк олимпиада спорт клубы), 2009 й. — БР Юғары спорт оҫталығы әҙерләү үҙәге. Составына олимпия резервы үҙәге (1977 й. алып), олимпия резервы ведомство‑ара үҙәктәре (1988 й. алып), спортсы‑инвалидтарҙы олимпиадаға әҙерләү үҙәге (1990 й. алып) инә. Ауыратлетика (18×17 м), аэробика (13×9,5 м), универсаль (44×25 м), фехтование (25×14,5 м) залдары, Башҡортостан спорты музейы, матбуғат үҙәге һ.б. бар. Тәрбиәләнеүселәре араһында И.П.Алексеев, Р.А.Баталова, Р.Р. Ғәниев, Н.Н.Ерофеева, Е.А.Жданова, Ә.К.Ибраһимов, Э.В.Ибраһимова, Т.Р.Лебедева, В.П.Лимасов, И.Н. Маннанов, Л.М.Матвеева, В.Н. Мичурин, П.И.Муслимов, Р.Р. Нәсибуллин, И.В.Помыкалов, С.А. Севостьянов, А.Н.Селивёрстов, И.А. Соколов, А.А.Строкин, Т.М.Танһыҡҡужина, Э.А.Тюкин, К.Н.Фомичёв, С.Ә. Хәбирова, В.В.Чернова, М.Е.Яковлев һ.б. Мәктәп м‑н Г.И.Алексеев, П.З. Буйлов, В.Г.Вагин, П.С.Горулёв, Е.И. Емельянов, В.С.Иванова, Р.Н. Латипов, П.И.Никитин, В.А.Пегов, В.Н. Прокаев, В.Н.Самородов, И.Л. Тверяков, Г.А.Ушков, Р.Ш.Фәйезов, Ю.В.Черток, Б.И.Шейко, Р.И. Әйүпов, П.К.Ямалиев, А.Ф.Яруллин һ.б. эшмәкәрлеге бәйле.
Е.И.Емельянов
Тәрж.Г.А.Миһранова
