ШУЛЬМАН Филипп Евгеньевич
ШУЛЬМАН Филипп Евгеньевич (6.10.1980, Өфө), спортсы. Биатлон б‑са Рәсәйҙең халыҡ‑ара класлы спорт мастеры (2001). ӨЮИ‑ны тамамлаған (2005). Биатлон б‑са СДЮШОР тәрбиәләнеүсеһе, 2000 й. алып “Динамо” физкультура‑спорт йәмғиәте (Өфө; тренеры В.В.Малинский), 2005—08 йй. Юғары спорт оҫталығы мәктәбе һәм “Динамо” физкультура‑спорт йәмғиәте (Ханты‑Мансийск ҡ.; тренеры В.П.Захаров) өсөн сығыш яһай. Спринтта Бөтә донъя универсиадаһының көмөш призёры (2003), Рәсәй чемпионаттарының бронза призёры (2001—02); эстафетала Бөтә донъя универсиадаһы (2003) һәм Рәсәй (2007) чемп., Европа чемпионатының (2003) һәм Бөтә донъя универсиадаһының (2001) көмөш призёры, Донъя кубогы этабының (2004) һәм Рәсәй чемпионатының (2002) бронза призёры. Үҫмер спортсылар араһында донъя (2002) һәм Европа (2000) беренселектәренең көмөш призёры. Рәсәй йыйылма командаһы ағзаһы (2002—08).
Тәрж. Г.А.Миһранова
