ШӘРӘФЕТДИНОВ Рәмил Фәйзер улы

ШӘРӘФЕТДИНОВ Рәмил Фәйзер улы (6.2.1952, БАССР‑ҙың Дәүләкән районы Суйынсы а.), геофизик. Физика‑математика фәндәре докторы (2000), профессор (2007). БДУ‑ны тамамлағандан һуң (1975) шунда уҡ эшләй. Фәнни эшмәкәрлеге радиометрия һәм ағымдары күп фазалы булғанда скважиналар термометрияһы өлкәһендәге тикшеренеүҙәргә арналған. Ш. тарафынан фаза күсешле изотермик булмаған күп фазалы фильтрлау ваҡытында ҡатламдағы, быраулағанда скважиналағы температура ҡырының, ағымдың төрлө режимдары өсөн скважина көпшәһе буйлап температура бүленешенең математик моделдәре һ.б. эшләнә. БР‑ҙың фән һәм техника өлкәһендәге дәүләт премияһы (2019), И.М.Губкин исемендәге премия лауреаты (2006).

 Х е ҙ м.: Термометрия пластов с многофазными потоками. Уфа, 1998 (авторҙ.); Математическое моделирование нестационарного теплового поля в системе бурящаяся скважина — горные породы //Инженерно‑физический журнал. 2006. Т.79. №5 (авторҙ.); Численное исследование температурного поля в пласте с трещиной гидроразрыва //Прикладная механика и техническая физика. 2017. Т.58. №4.

А.Ш.Рамаҙанов

Тәрж. Р.Ғ.Ғилманов