ЭЛМӘЛЕК”, башҡорт халыҡ йыры
“ЭЛМӘЛЕК”, башҡорт халыҡ йыры, оҙон көй. Тәүге тапҡыр 1938 й. Л.Н.Лебединский тарафынан яҙып алына, Н.Иҙелбай яҙмаһында “Башҡорт халҡ йырҙары” йыйынтығында баҫтырыла. Йырҙың вариантын Ғ.З.Сөләймәнов К.М.Дияровтан яҙып ала. Лирик‑драматик йыр. Төп темаһы — соц. тигеҙһеҙлек. Үҙ дәрәжәһен белгән ярлылар исеменән башҡарыла. Йыр башындағы юғары терцияға, артабан түбәнге квартаға хәрәкәттең һәм 10‑сы, 12‑се такттарҙа ре һәм до терәк өндәрҙең ҡат‑ҡат ҡабатланыуы — көйҙөң үҙенсәлеген тәшкил итә. Киң диапазоны (дуодецима) м‑н айырылып тора, лады минор пентатоникаһына нигеҙләнгән. Башҡарыусылар араһында Х.Л.Ғәлимов, Ф.Ғ. Ноғоманова, И.М.Смаҡов, Хор капеллаһы бар. А.Р.Хәлфетдинов тауыш һәм фп., Р.В.Сәлмәнов ҡатнаш a cappella хоры өсөн эшкәртә.
Г.Ә.Ишкинина
Тәрж. Г.Һ.Ризуанова