ЧЕРНЯКОВ Иосиф Михайлович

ЧЕРНЯКОВ Иосиф Михайлович [7.4.1929, Урал өлкәһе (Силәбе өлкәһе) Троицк ҡ. — 8.9.2021, Өфө ҡ.], инженер-төҙөүсе. РФ-тың (1993) һәм БАССР-ҙың (1979) атҡаҙанған төҙөүсеһе. Урал политехник институтын тамамлаған (Свердловск ҡ., 1960). 1942—47 йй. Троицк ҡ. эшләй. 1951 й. алып Киров район торлаҡ идаралығының ремонтлау контораһында (Өфө ҡ.) техник-төҙөүсе. 1954 й. башлап 3-сө төҙөлөш тресында: 4-се төҙөлөш идаралығы мастеры, 1961 й. — 5-се төҙөлөш идаралығы, 1964 й. — 4-се төҙөлөш идаралығы баш инженеры, 1973—2000 йй. 2-се төҙөлөш идаралығы начальнигы. Ч. етәкселегендә сәнәғәт һәм социаль-мәҙәни тәғәйенләнешле объекттар, ш. иҫ. “БЭТО”, “Гидравлика”, Өфө приборҙар эшләү производство берекмәһе, Башкорт драма театры, Өфө ҡ. Спорт һарайы, “Нефтсе” мәҙәниәт һарайы, төҙөлгән. СССР МС-ы премияһы лауреаты (1982). “Почёт Билдәһе” ордены менән бүләкләнгән (1971).

Тәрж. А.Н.Күсеев