ЯЙЫҠ ЙӘШЕРЕН КОМИССИЯҺЫ
ЯЙЫҠ ЙӘШЕРЕН КОМИССИЯҺЫ, 1772 й. Яйыҡ казактары ихтилалы һәм Крәҫтиәндәр һуғышы (1773—75) осоронда Рәсәйҙәге тәфтиш һәм суд учреждениеһы. Генерал‑майор П.С.Потёмкин ҡарары б‑са 1774 й. 8 авг. Ырымбур йәшерен комиссияһы ҡарамағындағы күсмә тәфтиш орган булараҡ ойошторола. 1772 й. һәм 1774 й. әсиргә алынған ихтилалда ҡатнашыусыларҙан һорау алыу һәм хөкөм итеү м‑н шөғөлләнә. Я.й.к. 15—18 сент. Е.И. Пугачёв өҫтөнән тәүге тәфтиш саралары үткәрелә. А.П.Перфильев, П.А. Пустобаев, И.А.Творогов, И.П.Федулев, Ф.Ф.Чумаков һ.б. эштәре ҡарала. Комиссия 200‑гә яҡын баш күтәреүсе казак эше б‑са ҡарар сығара. Октябрь аҙ. эшмәкәрлеген туҡтата. Етәксеһе — Потёмкин.
Әҙәб.: О в ч и н н и к о в Р.В. Следствие и суд над Е.И.Пугачёвым и его сподвижниками: источниковед. исслед. М., 1995.
И.М.Гвоздикова
Тәрж.М.Х.Хужин
