ЙӘЙСӘН ҠАРАБАШЕВ

ЙӘЙСӘН ҠАРАБАШЕВ, башҡорт ихтилалдарын (1735—40) баҫтырыуҙа ҡатнашыусы. Себер даруғаһының Һыҙғы улусы старшинаһы. 1737 й. июль аҙағында Таймаҫ Шәимов м‑н берлектә ихтилалды баҫтырыуҙа ярҙам күрһәтеү т‑да Башҡорт эштәре комиссияһы етәксеһе М.С.Хрущёв м‑н һөйләшеүҙәрҙә ҡатнаша. 1740 й. яҙында Себер даруғаһында 600 кешелек отряды м‑н Ҡараһаҡал отрядына ҡаршы һуғыша. 1740 й. 1 апр. Ҡоҙаш Рахманғолов м‑н берлектә Әләнйейәнғол Ҡотлоғужинды әсиргә ала. Артабанғы яҙмышы билдәһеҙ.

И.Ғ.Аҡманов

Тәрж. И.М.Аҡъюлов