ЯЛАЛОВ Фәрит Ғәбделғәзиз улы

ЯЛАЛОВ Фәрит Ғәбделғәзиз улы (11.4.1951, БАССР‑ҙың Илеш районы Һеңрән а.), педагог. Педагогия фәндәре докторы (2001), профессор (2003). ТР‑ҙың атҡаҙанған фән эшмәкәре (2007). Бөрө педагогия институтын тамамлағандан һуң (1973) Илеш районының Рсай урта мәктәбе директоры. 1983 й. алып 11‑се урта мәктәптең директоры урынбаҫары, 1986 й. башлап 17‑се урта мәктәп, 1991 й. — 2‑се Татар гимназияһы (бөтәһе лә — Түбәнге Кама ҡ.) директоры; 1997 й. алып Түбәнге Кама муниципаль институтының уҡыу‑уҡытыу эштәре буйынса проректоры, 2000 й. — ректоры. 2015 й. башлап ТР ФА‑ның Татар энциклопедияһы һәм төбәкте өйрәнеү институтында директор урынбаҫары (Ҡазан ҡ.). Фәнни тикшеренеүҙәре күп мәҙәниәтле белем биреү теорияһына һәм практикаһына, этнодидактикаға һ.б. арналған.

Х е ҙ м.: Национальное гимназическое образование: история, теория, практика. М., 2000.

Тәрж.­ Ә.Н.Аҡбутина