ЙӘМИЛEВ Рауил Ислам улы

ЙӘМИЛEВ Рауил Ислам улы (25.4. 1957, Өфө ҡ. — 15.6.2020, шунда уҡ), математик. Физика‑математика фәндәре докторы (2000). БДУ‑ны тамамлаған (1981). 1984 й. алып РФА Өфө федераль тикшеренеүҙәр үҙәгенең хисаплау үҙәге менән Математика институтында эшләй (2001 й. башлап төп ғилми хеҙмәткәр). Фәнни эшмәкәрлеге математик физика тигеҙләмәләрен тикшереүгә арналған. Й. тарафынан интегралланыусы эволюция тигеҙләмәләре өсөн Беклунд үҙгәртеүҙәре, күп ҡырлы Шрёдингер тигеҙләмәләре өсөн автоүҙгәртеүҙәр өйрәнелгән, квазилокаль функция төшөнсәһе индерелгән, ярашлы Миура үҙгәртеүҙәре менән модификацияланған тигеҙләмәләрҙе төҙөү схемалары, интегралланыусы тигеҙләмәләрҙе тест буйынса һынау һәм квалификациялау ысулдары һ.б. эшләнгән.

Хеҙм.: Симметрийный подход к проблеме интегрируемости //Теоретическая и математическая физика. 2000. Т.125. №3 (авторҙ.); Условия интегрируемости для аналогов релятивистской цепочки Тоды //Шунда уҡ. 2007. Т.151. №1.

Ю.З.Шәйғәрҙәнов

Тәрж. Р.Ғ.Ғилманов