ЙӘНГЕЛ, йылға

ЙӘНГЕЛ, йылға, Урал й. уң ҡушылдығы. Яҡтыкүлдән башлана. БР‑ҙың Әбйәлил р‑ны (Ҡара йылға тамағынан ш. уҡ район буйлап көньяҡ-көнсығышҡа табан) һәм Силәбе өлк. буйлап төньяҡтан көньяҡҡа табан аға. Урал й. (тамағынан 2091 км алыҫлыҡта) ҡоя. Оҙонлоғо 73 км, басс. майҙаны 1120 км². Башҡортостанда Й. оҙонлоғо 57 км. Башлыса ҡар һыуы м‑н туйына. Урта ағымында Сыбаркүлгә ҡушыла. Йылға тамағында уртаса йыллыҡ һыу сығымы 4,5 м³/с. Рельефы — тигеҙлек. Ландшафы үрге һәм урта ағымында болон ҡара тупрағындағы һәм һоро урман тупрағындағы болонло далаларҙан, ҡарағай һәм ҡарағас ҡатыш ҡайын урмандарынан ғибәрәт; түбәнге ағымында ябай ҡара тупраҡтағы төрлө үлән, ҡылған үҫкән далаларҙан һәм һөрөнтө ерҙән тора. Йылғала Әбйәлил р‑ны Дәүләт һәм Йәнгел аа. эргәһендә һыуһаҡлағыстар төҙөлгән. Басс. 80%‑ын урман, 1%‑ын һаҙлыҡ биләй. Ҡушылдыҡтары: Күмәкһаҙ, Ҡаран, Моһаҡ (бөтәһе лә — уң).

В.А.Загорский

Тәрж. А.Н.Күсеев