ЙӘНГӘРӘЕВ Дәүләткирәй Сәлим улы

ЙӘНГӘРӘЕВ Дәүләткирәй Сәлим улы [15.9.1927, БАССР‑ҙың Тамъян-Ҡатай кантоны Хөсәйен а. (БР‑ҙың Белорет р‑ны) — 20.5.1999, БР‑ҙың Белорет р‑ны Үҙәнбаш ҡсб], Соц. Хеҙмәт Геройы (1966). Б.В. һуғышында ҡатнашыусы. 1951 й. алып Белорет р‑ны эске эштәр бүлегендә, 1956—87 йй. Белорет урман сәнәғәте хужалығының Үҙәнбаш урман пунктында эшләй. Й. ҡатнашлығында бригада пландағы 93,5 мең м³ урынына 105 мең м³ ағас әҙерләй, сменалыҡ етештереү күләмен 553 мең м³ еткерә (1959—65). Ленин (1966), 1‑се дәрәжә Ватан һуғышы (1985) орд. м‑н бүләкләнгән. Үҙәнбашта Й. исеме м‑н урам аталған.

Әҙәб.: Бирюков Е. Пять сторон света Давлеткирея //Герои труда Башкирии: очерки о Героях Соц. Труда. Уфа, 1970; Янгиреев Д.С. //Герои труда. Уфа, 2011.

И.Ғ.Кәримова

Тәрж. Р.Х.Сәғитов