ЙОСОПОВ Риф Сәғәҙәтулла улы

ЙОСОПОВ Риф Сәғәҙәтулла улы (4.8.1964, БАССР‑ҙың Саҡмағош р‑ны Сыйрышбаш а.), инженер‑гидротехник. А.х. ф. д‑ры (2005). БР‑ҙың атҡ. а.х. хеҙм‑ре (2001). БАХИ‑ны тамамлағандан һуң (1987) Саҡмағош р‑нында эшләй: энергетик, 1988 й. алып баш инженер, 1992 й. башлап С.М.Киров ис. к‑з, 2000 й. — “Алға" АХПК рәйесе, 2003—17 йй. район хакимиәте башлығы. Фәнни эшмәкәрлеге һыйыр малының аҡ башлы ҡаҙаҡ тоҡомон, бестужев тоҡомон, уларҙың ҡатнаш тоҡомдарын; ауыл хужалығы малдарының продуктлылығын өйрәнеүгә арналған. Й. тарафынан тупраҡ — үҫемлек — хайуан системаһында һыйыр малының продуктив потенциалын рациональ файҙаланыу нигеҙләнә. 60‑тан ашыу фәнни хеҙмәт авторы.

Хеҙм.: Основы повышения эффективности сельскохозяйственного производства в Западной зоне Башкортостана. Уфа, 2001 (авторҙ.); Абердин‑ангусский скот России. Уфа, 2002 (авторҙ.); Использование голштинов при совершенствовании бестужевского и чёрно‑пёстрого скота. Уфа, 2003 (авторҙ.).

Тәрж. Г.А.Миһранова