ЧУДИНОВ Энгельс Матвеевич

ЧУДИНОВ Энгельс Матвеевич (13.10.1930, Бөрө ҡ. — 3.7.1980, Мәскәү ҡ.), философ. Философия фәндәре докторы (1968), профессор (1970). ЛДУ‑ны тамамлаған (1953). 1955 й. алып Бөрө педагогия институтында, 1958 й. — ӨАИ‑ла эшләй (1964 й. — марксистик‑ленинсы философияһы һәм фәнни коммунизм кафедраһы мөдире). 1966 й. башлап Мәскәү физика‑техника институтында уҡыта (1970 й. алып философия кафедраһы мөдире). Фәнни тикшеренеүҙәре гносеология һәм фән методологияһына, физиканың философик проблемаларына арналған.

  Х е ҙ м.: Теория относительности и философия. М., 1974; Природа научной истины. 2-е изд. М., 2010.

Р.Р.Вәхитов

Тәрж. Ф.Ә.Ҡылысбаев