Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ТИРЛӘН МИНЕРАЛЬ ПИГМЕНТТАР ЯТҠЫЛЫҒЫ

Просмотров: 1044

ТИРЛӘН МИНЕРАЛЬ ПИГМЕНТТАР ЯТҠЫЛЫҒЫ, Белорет р‑ны Тирлән а. көнсығышҡа табан 3 км алыҫлыҡта Сейәлеҡул төбәгендә урынлашҡан. Файҙалы ҡаҙылма аҫҡы силурға ҡараған карбонат‑балсыҡ ултырмаларының ашалыу ҡатлауындағы нәҙек һыҙыҡлы аргиллитҡа оҡшаш ҡыҙыл һәм сирень төҫөндәге охранан тора. 50 м тиклем ҡалынлыҡтағы сағыу ҡыҙыл охраларҙың сик зоналары үҙен һыйҙырған һыҙыҡлы тоҡомдарға ярашлы ята. Охралар составына 8,7— 11,2% Fe2O3 инә, каолиниттан, иллиттан, нәҙек дисперслы гематиттан тора. Майға һыйынғанлығы 76—78 г/м2, К1 маркалы синтетик ҡыҙыл окислы тимер пигментына ҡарата интенсивлығы 20—25%, май һыйышлығы 100 г пигментҡа 32—36 г май. Охралар һыуҙа эреүсән һәм осоусан матдәләрҙең түбән булыуы м‑н айырыла, составында радионуклидтар һәм ағыулы берләшмәләр юҡ. Охра запастары (төҫтәренә бүлеп ҡарамағанда) В+С1 категорияһы б‑са 285 мең т тәшкил итә.

А.В.Кочергин

Тәрж. Э.М.Юлбарисов

Дата публикации: 10.10.2019
Дата последнего обновления публикации: 17.10.2019
Связанные темы рубрикатора: