УРМАНЦЕВ Юнир Абдулла улы
УРМАНЦЕВ Юнир Абдулла улы (28.4.1931, Стәрлетамаҡ ҡ. — 20.5.2016, Мәскәү ҡ.), философ. Биология фәндәре кандидаты (1963), философия фәндәре докторы (1974). МДУ‑ның философия (1954) һәм биология‑тупраҡ (1955) факультеттарын тамамлаған. 1963—2006 йй. РФА‑ның К.А.Тимирязев исемендәге Үҫемлектәр физиологияһы институтында эшләй (Мәскәү ҡ.). Фәнни хеҙмәттәре системаларҙың дөйөм теорияһы, системалы философия проблемаларына арналған.
Х е ҙ м.: Образование — фундаментальная форма постижения бытия. М., 2004; Симметрия природы и природа симметрии: философские и естественно-научные аспекты. 2‑е изд. М., 2006; Эволюционика, или Общая теория развития систем природы, общества и мышления. 2‑е изд., перераб. и доп. М., 2009.
А.В.Лукьянов
Тәрж. М.Х.Хужин