БЫЯЛА ҺӘМ ФАРФОР-ФАЯНС СӘНӘҒӘТЕ
БЫЯЛА ҺӘМ ФАРФОР-ФАЯНС СӘНӘҒӘТЕ, төҙөлөш, техник, электротехник, электр вакуумлы быяла, быяла тара һәм һауыт-һаба, быяланан, фарфорҙан, фаянстан хужалыҡ-көнкүреш әйберҙәре, балсыҡтан яһалған изделиелар, химик-лаб. һауыт-һаба етештереү б‑са сәнәғәт тармағы. 20 б. башында Башҡортостанда 3 быяла пр‑тиеһы эшләй: Мариин (Верхнеурал өйәҙе), Зиновьев (Бөрө өйәҙе) з‑дтары, Богоявленск заводы; 60‑сы йй. башында Октябрьский керамик плитка һәм фарфор изделиелар заводы, 70‑се йй. Туймазы фарфор з‑ды (ҡара: “Туймазы фарфоры”) төҙөлә. 2004 й. 13 пр‑тие һәм производствонан тора, ш. иҫ. “Салаватстекло” (тармаҡтың етештереү күләменең яҡынса 95%‑ын етештерә), “Туймазыстекло”, “Русджам-Уфа” ЯСЙ (быяла тара эшләп сығара). БР сәнәғәт продукцияһы етештереү күләменең 0,8%‑ы тармаҡ өлөшөнә тура килә; 5,5 мең кеше эшләгән (2004). 2009 й. респ. табаҡлы термополировкалы быяла етештереү б‑са (29,7%) РФ‑та 3‑сө урынды биләгән. Продукцияһы БР‑ҙа һәм РФ‑та һатыла, яҡын сит илдәргә сығарыла. Тармаҡ өсөн белгестәр 128‑се һөнәрселек лицейында (Туймазы ҡ.) һ.б. әҙерләнә. Продукция етештереү динамикаһын табл. ҡара.
И.В.Лаврешина
Тәрж. Г.Ҡ.Ҡунафина