ҺАУА ТЕМПЕРАТУРАҺЫ

ҺАУА ТЕМПЕРАТУРАҺЫ, һауаның йылылыҡ торошо дәрәжәһен билдәләгән дәүмәл; һауа торошо һәм климат характеристикаларының береһе. Термометр һәм термограф ярҙамында үлсәнә. Һ.т. урындың геогр. торошона, рельефҡа, һауаның дымлылығына һ.б. бәйле. Һ.т. тәүлек эсендә үҙгәрешенең боҙолоуы һауа торошоноң үҙгәреүенә килтерә. Карталарҙа ер өҫтөндәге Һ.т. изотермалар — бер төрлө т‑ралы урындарҙы тоташтырған һыҙыҡтар ярҙамында күрһәтелә. БР‑ҙа йәй көнө макс. Һ.т. 42°С, ҡыш көнө миним. Һ.т. ‑53°С етә. 0°С юғарыраҡ булған уртаса тәүлек Һ.т. 3—9 апр. алып 20—26 окт. тиклем урынлаша.

Тәрж. Р.Ғ.Ғилманов