ПИДОПЛИЧКО Николай Макарович

ПИДОПЛИЧКО Николай Макарович (21.3.1904, Подольск губернаһы Казацкое а. – 27.3.1975, Киев ҡ.), миколог. Украина ССР‑ы ФА‑ның мөхбир ағзаһы. (1957). Фәнни хеҙмәттәре ҡыяҡлы иген бөртөктәренең, ҡоро мал аҙыҡтарының микрофлораһы, бәшмәктәрҙең систематикаһы, флораһы, экологияһы һәм физиологик әүҙемлеге проблемаларына арналған. Микотоксикоздарҙы, антибиотиктарҙы өйрәнгән. Украина ССР‑ы ФА‑һы Өфөгә эвакуацияланыуы осоронда (1942—43) Зообиология институтында эшләй. П. ҡатнашлығында культуралы ҡыяҡлыларҙың орлоҡтарында һәм ҡоро мал аҙыҡтарында үҫешкән бәшмәктәрҙең септик ангина һәм Уралдағы а.х. малдарының ауырыуҙары этимологияһындағы ролен билдәләү буйынса тикшеренеүҙәр үткәрелгән. П. тарафынан тәүге тапҡыр бәшмәктәрҙең бер нисә яңы таксоны тасуирланған, игенде таҙартыу һәм уның ашарға яраҡлы булыуы буйынса тәҡдимдәр эшләнгән. СССР‑ҙың Дәүләт премияһы лауреаты (1952).

Тәрж. Г.А.Миһранова