ӨҪӘН‑ИВАНОВКА, Бәләбәй р‑нындағы ауыл

ӨҪӘН‑ИВАНОВКА, Бәләбәй р‑нындағы ауыл, Өҫән‑Ивановка а/с үҙәге. Район үҙәгенән Т.‑Көнс. 18 км һәм Аксаков т. юл ст. Т.‑Көнс. табан 29 км алыҫлыҡта Өҫән й. буйында урынлашҡан. Халҡы: 1906 й. — 1083 кеше; 1920 — 3374; 1939 — 2923; 1959 — 1518; 1989 — 916; 2002 — 926; 2010 — 882 кеше. Урыҫтар йәшәй (2002). Урта мәктәп, балалар баҡсаһы, амбулатория, шәфҡәт туташы хеҙмәте бүлеге, мәҙәниәт йорто (“Рябинушка” урыҫ халыҡ фольклор ансамбле), китапхана, сиркәү, Цветаева М. музейы бар; Цветаеваның тарихи‑мәҙәни үҙәге эшләй. Ауылға 18 б. уртаһында Өҫән‑Ивановка заводы эргәһендәге торама булараҡ нигеҙ һалына. 1795 й. 671 кеше иҫәпкә алынған, 1865 й. 276 йортта — 1813 кеше. Игенселек, умарт‑ҡ м‑н шөғөлләнгәндәр, заводта эшләгәндәр. Раскольниктар ғибәҙәтханаһы (1842 й. төҙөлгән), 4 һыу тирмәне булған. 1906 й. старообрядсылар часовняһы, земство мәктәбе, 3 һыу тирмәне, 9 бакалея ки‑ бете, мөгәзәй теркәлгән; ауылда улус идараһы урынлашҡан. Ауыл эргәһендә Өҫән‑Ивановка заказнигы урынлашҡан.

Т.И.Әминев

Тәрж. Р.Ғ.Ғилманов