ТӘКӘЕВ Данис Солтан улы
ТӘКӘЕВ Данис Солтан улы (10.11.1940, БАССР‑ҙың Иглин районы Иҫке Ҡобау а. — 9.9.2008, Стәрлетамаҡ ҡ., БР‑ҙың Иглин районы Яңы Ҡобау а. ерләнгән), тел белгесе. Филология фәндәре докторы (2000), профессор (1995). РФ‑тың (1998) һәм БАССР‑ҙың (1990) атҡаҙанған уҡытыусыһы, БР‑ҙың атҡаҙанған фән эшмәкәре (2006), РФ‑тың почётлы юғары профессиональ белем биреү хеҙмәткәре (2001). БДУ‑ны тамамлағандан һуң (1967) Башҡортостан китап нәшриәте хеҙмәткәре, СДПА‑ла эшләй: 1976—77 йй. тел һәм әҙәбиәт факультеты деканы урынбаҫары, 1983 й. алып әҙерлек бүлеге мөдире, 1987 й. — башҡ. теле һәм әҙәбиәте кафедраһы мөдире, бер үк ваҡытта 2003 й. башлап башҡ. филологияһы факультеты деканы. Фәнни эшмәкәрлеге синтаксис, стилистика һәм телмәр мәҙәниәтенә, башҡорт телен уҡытыу методикаһына арналған. Вуздар өсөн дәреслектәр һәм уҡыу әсбаптары авторы. Уның исеме БР‑ҙың Иглин районы Иглин а. 4‑се урта мәктәбенә бирелгән.
Х е ҙ м.: Башҡорт телен уҡытыу методикаһы: һайланма мәҡәләләр. Өфө, 2002; Основы синтаксиса современного башкирского языка. М., 2004; Структурно‑семантические особенности неглагольных сказуемых в современном башкирском языке. М., 2007 (авторҙ.).
Әҙәб.: Ш а к у р Р. Постигая тайны родного языка //Истоки духовности. Уфа, 2009.
Тәрж. Р.Ә.Сиражитдинов