ТУЙМАЗЫ ИНДУСТРИАЛЬ ТЕХНИКУМЫ
ТУЙМАЗЫ ИНДУСТРИАЛЬ ТЕХНИКУМЫ, 1962 й. Өфө индустриаль техникумы (ҡара: Һөнәрселек‑педагогия колледжы) филиалы булараҡ асыла, 1964 й. алып киске быяла-керамика техникумы, 1966 й. — киске индустриаль техникум, 1993 й. хәҙ. исемен ала. 1989—99 йй. БР‑ҙың Благовещен ҡалаһында Т.и.т. филиалы эшләй (ҡара: Благовещен сәнәғәт-гуманитар техникумы). Уҡытыу көндөҙгө һәм ситтән тороп уҡыу бүлектәрендә сәнәғәт ҡорамалдарын монтажлау һәм техник эксплуатациялау, иретеп йәбештереү производствоһы, машиналар эшләү технологияһы, иҡтисад һәм бухгалтер иҫәбе һөнәрҙәре б‑са алып барыла. 3 компьютер класы, китапханаһы, слесарлыҡ, иретеп йәбештереү һәм механика оҫтаханалары бар. 4,3 меңдән ашыу белгес әҙерләнгән (2009).
Е.Н.Сарычева
Тәрж. Ә.Н.Аҡбутина