САМСОНОВ Вячеслав Михайлович

САМСОНОВ Вячеслав Михайлович (21.12.1949, Өфө ҡ. — 25.8.2018, шунда уҡ), спортсы. Медицина фәндәре кандидаты (2004). Дзюдо буйынса Рәсәйҙең халыҡ‑ара класлы спорт мастеры (2006), самбо буйынса Рәсәйҙең атҡаҙанған тренеры (2010). РФ‑тың физик культура һәм спорт отличнигы (2003). БДМИ‑ны тамамлаған (1979). 6‑сы “Геркулес” СДЮСШОР‑ы тәрбиәләнеүсеһе (тренеры Н.Д.Попов). Самбо буйынса шәхси зачётта РСФСР чемпионаттарының көмөш (1974) һәм бронза (1976) призёры, мастерҙар араһында донъя чемпионы (2002—06). Шәхси зачётта донъя (2005, 2011), Европа (2004, 2007) һәм Рәсәй (2004—08) чемпионы, мастерҙар араһында команда зачётында Европа кубогын яулаусы (2004, 2006); дзюдо буйынса ветерандар араһында Европа чемпионы (2010—11). Самбо буйынса студенттар араһында СССР чемпионы (1975). Самбо буйынса СССР йыйылма командаһы ағзаһы (1975).

Тәрж. Ғ.Р.Бердина