ПОПОВ Сергей Анатольевич

ПОПОВ Сергей Анатольевич (1884, Ырымбур ҡ. – 1942 й. июле, Өфө), скрипкасы, педагог. БАССР‑ҙың атҡ. артисы. С.‑Петербург консерваторияһын тамамлаған (1910 йй.; Л.С.Ауэр класы). 1917 й. алып ҡала симфоник оркестр музыканты һәм Курск ҡ. балалар музыка мәктәбе уҡытыусыһы. 1923 й. башлап Өфөлә: Башҡ. музыка уч‑щеһы уҡытыусыһы, 1939 й. – БДОБТ оркестр артисы. Респ. тәүге скрипкасыларҙың һәм скрипка класы б‑са педагогтарҙың береһе. Репертуарында урыҫ (А.П.Бородин, А.К.Глазунов, П.И.Чайковский) һәм сит ил (Г.Венявский, Ф.Крейслер, П.Сарасате) комп. әҫәрҙәре. Ҡыллы квартетты ойоштороусы һәм уның музыканты (И.Т.Носырев, Ф.П.Садовский, Л.С.Смирнов м‑н берлектә), 20‑се йй. Е.Н.Крылова м‑н ансамблдә, трио (М.И.Андржеевская һәм Садовский м‑н берлектә) һәм симфоник оркестр составында Сәнғәт училищеһының камера музыкаһы концерттарында сығыш яһай. Рәсәй буйлап гастролдәрҙә була. Уҡыусылары араһында Х.Ш.Заимов, БАССР‑ҙың атҡ. артисы Ә.Ғ.Ҡәйүмов, ТАССР‑ҙың атҡ. сәнғәт эшмәкәре З.В.Мостафин. “Скрипка техникаһы нигеҙҙәре” (“Основы скрипичной техники”; 1929) уҡытыу‑методик әсбабы авторы.

Тәрж. Г.Һ.Ризуанова