ТУПСЫЛАР АРТИЛЛЕРИЯ ПОЛКТАРЫ

ТУПСЫЛАР АРТИЛЛЕРИЯ ПОЛКТАРЫ, 1942 й. февр.—майында Дәүләт оборона ком‑ты ҡарары б‑са БАССР‑ҙың Бүздәк р‑ны Бүздәк станцияһында айырым 1097‑се һәм 1098‑се Т.а.п. булараҡ ойошторола. Һәр полк 3 батареянан һәм махсус подразделениеларҙан торған. Май—июндә полктар Юғары баш командование резервында булған. Бөйөк Ватан һуғышы осоронда 1942 й. Мәскәүҙе обороналауҙа (1097‑се Т.а.п.), 1943 й. — Смоленск һәм Духовщина-Демидов операцияларында (1098‑се), 1943—44 йй. Ленинградты обороналауҙа (1097‑се) ҡатнашҡан. 1945 й. таратыла. 1097‑се Т.а.п. Ҡыҙыл Байраҡ орд. м‑н бүләкләнгән (1944). 1097‑се Т.а.п. ком. — майор А.С. Быченко (1942—?).

М.Ә.Бикмәев

Тәрж. М.Х.Хужин