СУШКИН Пётр Петрович
СУШКИН Пётр Петрович (27.2.1868, Тула ҡ. — 17.9.1928, Кисловодск ҡ.), зоолог, орнитолог. СССР ФА академигы (1923), биология фәндәре докторы (1914), профессор (1901). Фәнни эшмәкәрлеге орнитология, зоогеография, сағыштырма анатомия, палеонтология мәсьәләләренә арналған. С. тарафынан Рәсәйҙең Европа һәм Азия өлөшөнөң, ш. иҫ. Башҡортостандың, орнитофаунаһы (ҡоштарҙың биологик төрлөлөгө, һаны һәм экологияһы өйрәнелгән, оя ҡороусы ҡоштарҙың 242 төрө асылған һәм уларҙың таралышы тасуирланған) тикшерелгән. К.Ф.Кесслер исемендәге премия (1897), Санкт‑Петербург Император ФА‑ның Ф.Ф.Брандт исемендәге премияһы (1914) лауреаты.
Хеҙм.: Птицы Уфимской губернии //Материалы к познанию фауны и флоры Российской империи. Отделение зоологии. 1897. Вып.4; Дополнительные заметки о птицах Уфимской губернии //Там же. 1901. Вып.5.
Ә.Ф.Мәмәтов
Тәрж. Г.А.Миһранова