ПОРТАЛЬ Роже Антонен Роббер

ПОРТАЛЬ Роже Антонен Робер (6.5.1906, Амбер ҡ., Франция — 30.12.1994, Париж), француз тарихсыһы. Гуманитар ф. д‑ры (1949), профессор. Страсбург ун‑тын тамамлаған (Франция, 1931). 1929 й. алып Францияның уҡыу йорттарында белем бирә: 1950 й. башлап Лилль ун‑тында, 1955—76 йй. Париж ун‑тында, бер үк ваҡытта 1959—73 йй. Славяндарҙы өйрәнеү милли ин‑ты (Париж) директоры. Фәнни эшмәкәрлеге Себерҙе үҙләштереү, Ырымбур экспедицияһы (1734— 44), Уралда тау сәнәғәте үҫеше, башҡорт ихтилалдары (17—18 бб.), ш. иҫ. Крәҫтиәндәр һуғышы (1773— 75), тарихын өйрәнеүгә арналған. Рәсәй тарихы б‑са 100‑ҙән ашыу фәнни хеҙмәт авторы. Халыҡ‑ара тарих фәндәре ком‑тының Славян комиссияһы рәйесе.

Х е ҙ м.: Урал в XVIII веке: очерки соц.‑экон. истории. Уфа, 2004; Исследования по истории, историографии и источниковедению регионов России. Уфа, 2005.

И.В.Күсемов

Тәрж. Ф.Ә.Ҡылысбаев