ПРОЦИОН

ПРОЦИОН, Бәләкәй Эттең α‑һы, аҡ карлик йондоҙ м‑н ҡуш һары гигант йондоҙ (11‑се йондоҙ дәүмәле). Визуаль йондоҙ дәүмәле 0^m,34. Диаметры Ҡояштыҡынан 1,8 тапҡырға ҙурыраҡ. Ерҙән 11 яҡтылыҡ йылы алыҫлығында урынлашҡан. Экваториаль йондоҙлоҡҡа ҡарай. БР терр‑яһында байыусы йондоҙ. Февр. башында, төн уртаһында, П. офоҡ өҫтөнән 41° бейеклеккә күтәрелгән саҡ — күҙәтеү өсөн иң уңайлы осор. 2000 йй. БДУ‑ла йондоҙ астрофизик яҡтан тикшерелгән (У.Ш.Баязитов, А.Ҡ.Ғәлиев), унда П. элементтарының химик составы ғәмәлдә Ҡояштыҡына оҡшаш булыуы билдәләнгән.

У.Ш.Баязитов

Тәрж. Р.Ғ.Ғилманов