СӘЛИХОВ Делир Нурзада улы
СӘЛИХОВ Делир Нурзада улы (17.6.1938, Сталинабад ҡ.), геолог. Геология‑минералогия фәндәре докторы (1998). Тажик университетын тамамлаған (1960, Сталинабад ҡ.). 1961—2021 йй. Геология институтында: 1982—2008 йй. магматизм лабораторияһы мөдире, бер үк ваҡытта 1992—2007 йй. фәнни эштәр буйынса директор урынбаҫары, 2008 й. алып баш ғилми хеҙмәткәр. Фәнни эшмәкәрлеге Көньяҡ Уралдың магматизмын, вулканизмын, металлогенияһын, геодинамикаһын, геоэкологияһын өйрәнеү менән бәйле. С. тарафынан Магнитогорск мегасинклинорийының төп интрузив һәм дайка комплекстары айырып күрһәтелә һәм уларға характеристика бирелә; өҫкө девон һәм аҫҡы карбондың вулкан ҡатламдарына формацион анализ үткәрелә. С. “Башҡортостан Республикаһының файҙалы ҡаҙылмалары” (“Полезные ископаемые Республики Башкортостан”; 9 китап; 2001—12) китаптары серияһын нәшер итә; С. ҡатнашлығында Көньяҡ Уралдың палеовулканологик карталары төҙөлә.
Хеҙм.: Магматизм и оруденение зоны ранней консолидации Магнитогорской эвгеосинклинали. Уфа, 1984 (авторҙ.); Магматизм и оруденение позднего палеозоя Магнитогорского мегасинклинория. Уфа, 1985 (авторҙ.); Нижнекаменноугольный вулканизм Магнитогорского мегасинклинория. Уфа, 1992 (авторҙ.).
Тәрж. Г.М.Ғәлиева