СЕЛЬЧУК Николай Алексеевич
СЕЛЬЧУК Николай Алексеевич (27.10.1927, Украина ССР‑ы Котюжинцы а. — 22.1.2016, БР‑ҙың Нуриман районы Красный Ключ а.), хужалыҡ эшмәкәре. БАССР-ҙың атҡаҙанған урман сәнәғәте хеҙмәткәре (1984). Урал урман-техника институтын тамамлаған (Свердловск ҡ., 1957). 1948—54 йй. һәм 1957—93 йй. Нуриман районының Яманйылға урман сәнәғәте хужалығында эшләй: 1958 й. алып баш инженер, 1966—88 йй. директор. С. етәкселегендә таҡта ярыу, халыҡ ҡулланыуы тауарҙары сығарыу цехтары файҙаланыуға тапшырыла; аҡ шыршы майы, ағас юнысҡыһы етештереү һ.б. үҙләштерелә. Октябрь Революцияһы (1971), Хеҙмәт Ҡыҙыл Байраҡ (1966), Халыҡтар дуҫлығы (1986) ордендары менән бүләкләнгән.
Т.П.Лелюх
Тәрж. Г.Ҡ.Ҡунафина